Arrantza mota hau udazkeneko eta neguetako, normalean, gauetan egiten zuten ibaiertzetako baserritar gehienek. Garai batean linaza oliotan bustitako jantziak janzten zituzten. Honela, urak irrist egiten zuen arroparen gainetik. Buruan txapela eta eskutrapuzko zakua jazten zuten. Bi kandela dituen eskuargia edo karburozko kriseilua erabiltzen zuten argia izateko. Oriako ontzi tipikoak “ala” du izena, 8-9 metro luze da, hondoa laua, popa zabala eta branka zapa eta puntaduna, goilara itxuraduna, hondartza parean eta lokatzetan lur hartzeko.

Aurreko mendeko 70eko hamarraldian txitxardinak oso preziatuak izan ziren. Horregatik eta Gipuzkoako ibaietako kutsadura maila handia izateagatik, txitxardin kopuruak behera egin zuen. Gaur egun saiakera handia ari dira egiten, Oria ibaian dagoen txitxardin kopuruak gora egin dezan.